Ministrat e Financave të zonës euro vendosën të presin rezultatin e referendumit në Greqi përpara negociatave për një plan të ri ndihme, deklaroi përfaqësuesi i Eurogrupit, Peter Kazimir.
Ministrat e Financave të zonës euro vendosën të mërkurën të presin rezultatin e referendumit në Greqi përpara negociatave për një plan të ri ndihme, deklaroi Peter Kazimir, përfaqësuesi sllovak i Eurogrupit, pas një konference telefonike që vazhdoi rreth një orë.
“Eurogrupi është i bashkuar për të vendosur pritjen e rezultatit të referendumit përpara vazhdimit të negociatave”, deklaroi Kazimir në llogarinë e tij në Twitter. “Nuk mund të vëmë karrocën para kuajve”, tha ai në një ‘tweet’ të mëpasëm.
