Partia Demokratike tashmë e ka vendosur kandidatin e saj për bashkinë e kryeqytetit por shpallja do të bëhet sot në mbrëmje. Burime të sigurta pranë lideritt të opozitës, Lulzim Basha, bënë të ditur për “tesheshi.com” se do jetë mjeku Halim Kosova, njeriu që do të synojë të bëhet kryetar i bashkisë më të rëndësishme të vendit në zgjedhjet e 21 qershorit.
Dr. Kosova ishte në listën e propozimeve që vinin nga baza dhe në fund ka fituar konsensusin e udhëheqësisë së selisë blu, pas një konsultimi me të gjithë faktorët.
Dr. Kosova, aktualisht deputet i PD-së në Kuvendin e Shqipërisë, është një mjek obsetër me popullaritet të gjerë jo vetëm në Tiranë. Për shumë vite ai ka qenë drejtor i Maternitetit “Mbretëresha Geraldinë” në Tiranë, ku dhe ka krijuar profilin e tij profesional por dhe qytetar. I njohur si pjesë e frymës së qendrës së djathtë në vend dhe mbështetës i PD, gjithsesi Halim Kosova shikohet edhe si përfitues i votave nga e majta. Në zgjedhjet e fundit parlamentare, Dr.Kosova ka qenë përfaqësues i PD-së në njësinë 5 në kryeqytet e njohur dhe “stalingradi” ngaqë është bastion solid i së majtës.
/tesheshi.com/
