Kreu i opozitës Basha rrezikon të mos votojë më 25 prill, nëse, siç përflitet, nuk rinovon kartën e identitetit, e cila i ka skaduar.
Vetë ai nuk është deklaruar ende për këtë detaj problematik, ndërkohë që opozita i ka kërkuar mazhorancës, dhe që kjo e ka konsideruar me vend, që të shtyjë afatin e rinovimit për një masë të madhe njerëzish. TCH citon Drejtorin e Përgjithshëm i Gjendjes Civile, Bledar Doracaj të thotë se dhe politikanë të caktuar, duhet të nxitojnë për rinovimin e kartës.
“Përfitoj nga rasti t’u bëj thirrje të parëve përfaqësuesve politikë, liderëve politikë.
Në dijeninë time ka ende lider politikë pa dashur të përmend emra që ende nuk kanë përmbushur këtë detyrim ligjor dhe kanë një dokument biometrik më shumë se dy vjet të skaduar.
Nëqoftëse drejtuesi politik nuk përmbush vetë i pari këto detyrime, çfarë do përcjelli tek pjesa tjetër”, deklaroi Doracaj.
Në rastin e Bashës, kompromentues është dhe fakti se bashkëshortja e tij nuk voton prej vitesh në Shqipëri, qëkur hoqi dorë nga nënshtetësia shqiptare për të marrë atë hollandeze.
Pra, në një farë mënyre, Bash aka mangur një votë të fortë simbolike për të dhe partinë e tij, që është ajo e bashkëshortes. /tesheshi.com/
