Në një nga takimet në jug të vendit, në Gjirokastër, Përmet e Tepelenë, kreu demokrat Basha tha se po i dhemb zemra nga ajo çfarë ndodhi më 25 prill.
“Zemra po dhemb, dhe unë ndjej zemërim për padrejtësinë e 25 prillit dhe produkti pa product, por zemra ka dhe forcë, ka dhe një motorr, për ta kthyer atë zemëratë, në një energji dobitëse për të vazhduar betejën deri në fund.
Dhe unë kam ardhur këtu sot t’ju kërkoj që të dalim jo vtëm të bashkuar por edhe të vendosur për vazhdimin e kësaj beteje”, tha Basha në stilin e tij patetik.
Ai potencoi faktin se më te PD u bë dhe më e fuqishme.
“Ne ofruam program, ne ofruam vizion, por ne ofruam po kështu qëndresë.
Dhe ishte falë kësaj qëndrese që jemi sot këtu më të mëdhenj seç ishim, më të fortë seç ishim, ndonëse me revoltë dhe zemërim në zemrat tona për tjetërsimin e vullnetit dhe masakrën zgjedhore të 25 prillit”, shtoi ai, duke i qëndruar pretendimin se zgjedhjet u vodhën, një teze e hedhur sapo rezultatet treguan se PD kishte shënuar humbjen e radhës. /tesheshi.com/
