“8 dhjetori është ditë e historisë dhe kujtesës, por 8 dhjetori i ardhshëm është sërish një ditë për të bërë histori, pasi është dita për largimin e qeverisë. Kemi marrë vendimin që të nisemi dhe të mos ndalemi me rininë e Tiranës dhe gjithë Shqipërisë”. Kjo është deklarata më e fundit e kreut demokrat, Lulzim Basha, bërë sot gjatë Konventës së Forumit Rinor të PD-së. Sipas tij, nuk ka zgjidhje tjetër veç largimit të dyshes Rama-Meta.
“Duhet krijuar një qeveri teknike që të përgatisë zgjedhje të lira dhe të ndershme”, shtoi ai.
8 dhjetori është një datë historike, pasi më 1990-ën e kësaj date, nisi një rebelim studentor në Qytetin Studenti, i cili u parapriu më pas ndryshimeve politike dhe rënies së sistemit komunist.
Gjatë kohës kur ishte në pushtet, Partia Demokratike e ka sanksionuar 8 dhjetorin si festë kombëtare të rinisë, e që tashmë po përpiqet që ta kapitalizojë dhe politikisht në funksion të betejës opozitare kundër mazhorancës. /tesheshi.com/
