Lideri i opozitës Lulzim Basha i është kundërpërgjigjur menjëherë Kryeministrit Edi Rama për çështjen e CEZ.
“Pse i fale 600 mln euro CEZ? Pse ndale arbitrazhin? Pse ndale hetimin për këtë aferë? Ku janë paratë e shiqptarëve? Sot rrahu gjoksin dhe ngriti gishtin e akuzës. Rama mbron ndërtuesit e sarajeve të tij. Para të dhëna pa tender, pa garë. Kjo është vetëm një pjesë e aferave me paratë e gjakut të shqiptarëve. Ne do të zbardhëm skemën mafioze dhe ndarjen e milionave me porosi dhe urdhër të Edi Ramës për miq e klientë të tij. Ju garantoj sot se nga kjo foltore me përgjegjësi të plotë, PD do të vazhdojë denoncimin dhe do të bëjë përgjegjës deri në fund këta zullumqarë. Do ta paguajë njësoj siç po i paguajnë sot shqiparët vjedhjet e grabitjet. Hetimi i skemës më të madhe të korrupsionit është gur themeli për stabilitetin e vendit e të ardhemn e tij. As në parlament e as në Shqipëri nuk do të ketë as qetësi e as stabilitet”, deklaroi Basha
/tesheshi.com/
