Nga Mensur Krasniqi
Asgjë nga takimi urgjent për ccbllokimin e Marrëveshjes së Përzhinos e arritur në qershor të këtij viti. Në këtë takim i cili zgjati deri në orët e mesnatës morrën pjesë liderët e katër partive më të mëdha në Maqedoni: Nikolla Gruevski, Zoran Zaev, Ali Ahmeti dhe Menduh Thaçi me ndihmën dhe ndërmjetësimin e eurokomesionerit Johannes Hahn, ambasadorit amerikan Jess Bailey si dhe Peter Vanhaute. Paraprakisht, gjatë ditës së djeshme Johannes Hahn ka realizuar takime të veçanta me liderët e katër partive, VMRO-DPMNE, LSDM, BDI dhe PDSH-në.
Në këto takime thuhet të jetë diskutuar për të gjithë paketën e cila përfshin ligjin mbi “bombat”, ligjin për “informatorët”, komisionin anketues si dhe ligjin për qeverinë me të cilin do të rregullohet emërimi i zëvendësministrave si dhe legjislacionin zgjedhor.
Eurokemesari Hahn pas takimit është shprehur tejet i zhgënjyer që nuk arritën të gjejnë zgjidhje sipas marrëveshjeve paraprake nga qershori dhe korriku i këtij viti.
“Ende ka shpresë për tu gjetur zgjidhje dhe shpresoj se do të bëhet i njohur serioziteti i situatës. Definitivisht, sot nuk ishte ditë e mirë. Mendoj se nesër do të jetë ditë më e mirë për tu gjetur zgjidhje që është e patjetërsueshme për të ngel aktive aspiratat evropiane të vendit. Nuk mund të parashoh, por është e nevojshme liderizëm dhe përgjegjësi për vendin dhe të ardhmen e saj. Mendoj se gjithçka është e mundur. Ne nuk mund që ta kryejmë punën e politikanëve të këtushëm. Do të jam i lumtur nëse respektohen afatet e kontraktuara”, deklaroi Johannes Hahn
Për mediat u prononcua edhe lideri i LSDM-së opozitare, Zoran Zaev. Sipas tij, pushteti ka shpenzuar kohën duke insistuar në ligj për mospublikim të “bombave”.
“Si mundet që për dikë të jetë më me rëndësi, që prej këtyre 12 orëve të bisedimeve, më tepër se 8 ose 9 orë të harxhojë për rëndësinë e prurjes së ligjit për ndalim të publikimit të ‘bombave’politike, që qenka më e rëndësishme se ardhmëria evropiane e të gjithë qytetarëve të Republikës së Maqedonisë”, theksoi Zaev pas takimit.
Në pyetjen e gazetarëve se për çfarë afrimi të qëndrimeve flasin, atëherë zëdhënësi i VMRO-së Ilija Dimovski, Ali Ahmeti dhe Zaev u përgjigjën se faktori ndërkombëtar është dëshmitar për atë se si janë zhvilluar bisedimet.
Lideri i VMRO-DPMNE-së, Nikolla Gruevski u është shmangur mediave, duke lënë që qëndrimet e kësaj partie rreth dështimit të marrëveshjes t’i shpalose përfaqësuesi Ilija Dimovski.
Dimovski theksoi se nuk u arrit marrëveshje finale, por se bisedimet kanë shënuar progres dhe se ka pasur përafrim qëndrimesh mes palëve.
Pas braktisjes së rezidencës së BE-së në Përzhino dhe pas tentativës së parë të pasuksesshme për marrëveshje, kreu i BDI-së Ahmeti deklaroi se të gjitha çështjet e hapura do të vijojnë të bisedohen në grupin e punës.
“Mendoj se nga të gjitha këto bisedime të gjata ka gjëra që janë afruar, por ka edhe disa dallime të vogla. Do vazhdojnë grupet e punës për ti përmbyllur të gjitha dallimet që ekzistojnë. Sigurisht që ka dallime në lidhje me kompetencat, ligjin për qeverinë, ministrat… Sigurisht se është duke u biseduar se si do të afrohen dallimet. Komuniteti ndërkombëtar është i interesuar dhe është mjaft aktiv në përmbylljen e këtij problemi”, tha Ahmeti.
Derisa profesori maqedonas i marrëdhënieve ndërkombëtare, Denko Malevski, u pyet nëse prishet i tërë procesi, politikanët a janë të vetëdijshëm se ku do të përfundojmë, pra sipas tij do të kthehemi në vet fillimin e krizës, me konsekuenca ende më të këqija.
“Të huajt qartas na treguan se nuk mund t`i kryejnë punët tona. Politikanët duhet ta kanë të qartë se rrugë mbrapa nuk ka, rruga është para. Është e habitshme se si ato e kuptojnë politikën, vetëm si privilegj. Nëse marrëveshja prishet dhe të huajt heqin dorë prej neve, atëherë do të futemi në kaos, shoqëria do të paralizohet, mllefi përsëri do të dal nga institucionet dhe janë të mundshme të gjitha skenaret e mundshme”, tha Maleski.
Ndërkaq, analisti politik shqiptar Ismet Ramadani akuzon partinë maqedonase në pushtet VMRO-DPMNE-në dhe Nikolla Gruevskin që po vazhdojnë me opstruimin për të blerë kohë, në mënyrë që të nxjerret sa më lehtë nga një situatë e këtillë.
“Ashtu si po afrohet fundi i asaj që nënkuptohet implementimi i marrëveshjes, partitë po i kap nervoza, sidomos VMRO-DPMNE-në dhe Nikolla Gruevskin dhe ato do të vazhdojnë me opstruimin për të blerë kohë për t`u nxjerr nga një situatë e këtillë. Ato janë aktorët kryesor të lëvizjes së integrimit euro atlantik, ato janë fajtor për sundimin kriminal dhe korrupsionin që shihet në raporte, ndërsa tani vijnë dënimet, partia në pushtet më së shumti do të preket”, deklaroi Ismet Ramadani.
Mendoj se SHBA-të dhe BE-ja, plotësoi ai, të cilët menaxhojnë me procesin do të vijnë në pikëpyetje atë që Maqedonia të kthehet në rrugën e vërtet dhe se marrëveshja duhet implementuar. /tesheshi.com/
