Kryeprokurori Lumezi i ka bërë të ditur të dërguarit të BE-së në Kosovë se me qëllim të rritjes së efikasitetit në luftën kundër korrupsionit, si kryeprokuror i Shtetit ka marrë vendim për emërim të komisionit mbikëqyrës për rastet penale të korrupsionit, i cili komision ka për detyrë që të vlerësoj veprimet e ndërmarra nga prokurorët e prokurorive themelore dhe Prokurorisë Speciale në trajtimin e këtyre rasteve, duke shtuar se si kryeprokuror i Shtetit pret që këto raste të trajtohen me prioritet edhe nga gjykatat.
Kryeprokurori Lumezi, ka pritur sot në takim pune përfaqësuesin e Bashkimit Evropian në Kosovë, Samuel Zhbogar.
Në këtë takim u diskutua për sfidat me të cilat ballafaqohet Prokuroi i Shtetit, për luftimin e korrupsionit, për luftimin e krimeve ekonomike dhe kriminalitetit në përgjithësi.
Me theks të veçantë gjatë këtij takimi u diskutua për veprimet që po i ndërmerr Prokurori i Shtetit për të rritur efikasitetin në luftë kundër korrupsionit, për rezultatet më të mira të punës në luftën kundër korrupsionit, të shënuara gjatë gjashtë muajve të fundit, si dhe për bashkëpunimin në mes Prokurorit të Shtetit dhe institucioneve tjera të zbatimit të ligjit, për koordinim të veprimeve për luftën kundër korrupsionit. /tesheshi.com/
