Lulzim Basha, lideri i opozitës i është përgjigjur “dhëmb për dhëm” kryeministrit Rama, i cili ironizoi në një lidhje me një koalicion të mundshëm me Partinë Demokratike.
Në një konferencë për shtyp-bashkëbisedim me gazetarët, Basha i ëhstë përgjigjur prerë rivalit të tij dhe me seriozitet.
“PD-ja nuk bën koalicion për karriken, por është e gatshme për betejë frontale me krimin dhe korrupsionin pa asnjë kompromis. Mediat rendin drejt sensacionit dhe e kuptoj këtë. Thelbi i çështjes është gjendja e vendit dhe nuk është preokupim i imi Rama apo Meta, por qytetari. Rrugëdalja nuk ka mundësi të kalojë nga arkitektët e kriminalizimit dhe korrupsionit”, tha Basha i cili me mesin e sezonit të pushimeve për politikën ka lëshuar alarmin se situate në vend është alarmante.
Basha deklaroi se shifrat tregojnë se mungojnë 134 milionë dollarë nga doganat dhe tatimet, por kryeministri Edi Rama hesht pasi ka bërë pakt me kontrabandistët.
“Gjendja reale e ekonomisë nuk gënjen. Shifrat nuk e lënë Ramën të ndërtojë kështjella rëre me gënjeshtra. Shifrat tregojnë 134 milionë dollarë deficit në dogana dhe tatime. Të ardhurat që mungojnë vijnë nga kontrabanda e duhanit dhe naftës. Edi Rama hesht për këtë, pasi ka një pakt me kontrabandistët”, theksoi kreu i PD-së.
“Tani, Rama do të godasë sipërmarrësit për të vjelur këto të ardhura dhe nuk do të prekë kontrabandistët”, shtoi Basha. /tesheshi.com/
