Nga Bekim Laçi
Emigrantët të vendosur në Qendrën për vendosje të përkohshme të azilantëve në Gazi Babë në Shkup, me të cilën udhëheq Ministria e Punëve të Brendshme, po u nënshtrohen infeksioneve nga më të ndryshmet të cilat po përhapet me shpejtësi të madhe. Njoftimin e bërë Avokati i Popullit, Ixhet Memeti, duke publikuar të dhëna tmerruese në bazë të të cilave kapaciteti i Qendrës është 100 deri 120 vetë, por në të vetëm gjatë ditës së djeshme ka patur 364 emigrantë, plus 125 të cilët janë sjellë nga Vaksinca e Kumanovës.
“Mes tyre ka 28 gra dhe 35 fëmijë, të tjerët janë meshkuj. Të gjithë flenë në tokë, nuk kanë me cka të mbulohen. Në dy dhoma flejnë gratë, mes tyre edhe një grua shtatëzënë. Njërën nga dhomat e përdorin për kuzhinë. Në tërë objektin ka vetëm një mjek i cili nuk mund të mbërrijë. Zbuluam se disa prej tyre mbahen në kundërshtim me të gjitha dispozitat ligjore”, theksoi Memeti.
Sipas tij, këta njerëz nuk janë emigrant por refugjatë:”Kërkoj urgjentisht të miratohen ndryshimet ligjore të cilat janë paralajmëruar. Më vjen keq që po ndodh kjo, ndonëse ne që para dy vitesh i njoftuam të gjitha institucionet shtetërore se në Qendrën kushtet janë të këqija”, tha Mehemti.
Ndërkohë, qeveria ka njoftuar sot se të hënën do t’i shqyrtojë ndryshimet ligjore me të cilat propozohet që emigrantët të kenë në dispozicion 72 orë për të vendosur se vallë do t’kërkojnë azil në Maqedoni apo do ta lëshojnë vendin. Nëse këto ndryshime kalojnë në qeveri, pritet menjëherë të vendosen në seancë parlamentare.
/tesheshi.com/
