Pretendojnë se janë dy alternativa të reje në politikë, por përballë njëri-tjetrit janë treguar tipikisht arkaikë në debat, deri në një përplasje verbale; pra, duke mos patur asnjë lloj kualiteti ligjërimor mes tyre, qoftë dhe veç e veç përballë publikut, si tregues i ndonjë niveli sipëror ndaj qeverisjes që akuzojnë çdo ditë, si në aspekt teknokratik për çështje të caktuara e si në aspekt etik.
Adriatik Lapaj dhe Agron Shehaj, njëri nga Saranda e tjetri nga Vlora, akuzatorë të palodhur ndaj pushtetit, por të asgjësshëm tej akuzave, kanë këmbyer fraza nervoze më njëri-tjetrit në një prej debateve televizive të mbrëmjes.
E ka nisur Agron Shehaj, një njeri që ka bërë para si biznesmen, por që urren ekstremisht të ashtuquajturit oligarkë, të cilët i ka në majë të gjuhës.
Me shenja të dukshme delirantizmi politik, ai ka themeluar një forcë politike të quajtur “Mundësia”, me pretendimin se shqiptarët e thjesht nuk i kanë mundësitë e atyre që janë të lidhur me qeverinë.
Ai pyeti Lapajn e “Shqipëria bëhet” nëse e ka përmendur asnjëherë Shefqet Kastratin, koncensionin e tij te Rruga e Kombit dhe të tjera përfitime.
Lapaj iu përgjigj se “atë Kastratin e ka bërë ajo partia ku shkove ti pa garë e u bërë deputet”, duke shtuar “nuk pyeste për Kastratin, Manen etj. As ty nuk të kam në llogari, as punëtorët e tu që nuk iu jep rrogat”.
Dhe këtu u ndez dhe më debate:
Agron Shehaj vijoi: “Do na thuash ndonjë gjë për vjehrrin që ka qenë kryetar i Gjykatës së Sarandës e që është shkarkuar?”
Iu përgjigj Lapaj: “Po ti të kesh turp. Unë nuk merrem as me vjehrrin tënd as me gruan tënde. Po ke ndonjë fakt për vjehrrin tim shko në prokurori.
Po ka shkelur ligjin të përgjigjet. Fakti që mbroj reformën në drejtësi me kaq forcë më nderon edhe për faktin që vjehrri im është shkarkuar nga vetingu.
Se ky jam unë, jam njeri që nuk pyes për interesa të ngushta, por mbroj parimet”.
Tej aspektit përmbajtësor të replikave të nxehta mes tyre, kjo formë e diskursit të tyre politik e mediatik, që në fakt është pika më e dobët e tyre, është tregues sa sa larg mundësisë për të qenë një ditë njerëz pushteti. /tesheshi.com/
