Auto Dak
Auto Dak
Auto Dak

Artan Lame, shfrim politik nga xhamia e Lushnjës: Ah, unë i ziu!

Kreu i Kadastrës Artan Lame iu përgjigj disa akuzave të opozitës nga xhamia e Lushnjës. Ai ishte aty, këtë ditë Fiter Bajrami, për të dhënë çertifikatën e legalizimit për këtë xhami, e prej aty sqaroi pozicionin e tij, a më saktë të punës së tij, karshi atyre për të cilat e akuzon opozita.

“Në Lushnje ne jemi sot për një element shumë të veçantë, për të dhënë lejen e legalizimit dhe tapinë e godinës të pronësisë Xhamisë së Lushnjes.

E kishim përgatitur që përpara zgjedhjeve, por në atë batërdinë e atyre ditëve që u sulmuan ngado që po përdoret për zgjedhje, që ky institucion po përdoret në funksion të zgjedhjeve, thamë më mirë ta lëmë pas zgjedhjeve dhe e lam për sot që është një ditë e shënuar fetare.

Nga ana e PD, mbi 20 raste janë bërë denoncime në prokurori për përdorimin e institucioneve të Kadastrës për zgjedhjet. Është rasti i parë në histori që një institucion denoncohet në prokurori sepse kryen detyrën. Kadastra ka dhënë shërbime, certifikata legalizimi dhe certifikata bujqësore në të gjithë muajt e vitit, thjesht ka bërë detyrën e vetë.

Siç thotë populli:’Unë i ziu me dy pleq kujt t’ja prish e kujt t’ja ndreq’.

Po të mos bëj normën më bërtet Edi Rama, po të bëj normën më bërtet Basha, nuk e di se si të veproj!

Përtej kësaj, më çudit fakti që PD u fokusua të çështja e legalizimeve ndërkohë që Kadastra nuk ka pasur në fokus kryesor legalizimet, por certifikatat e tokës bujqësore”, u shpreh Lame. /tesheshi.com/

auto pjese dak

Related posts