Komisioni për mandatet dhe rregulloren në Kuvend ka shtyrë për dy ditë shqyrtimin në Kuvend të kërkesës së Prokurorisë për të arrestuar deputetët Tom Doshi dhe Mark Frroku. Doshi ka kërkuar 7 ditë për tu njohur me hollësi me akuzën dhe për të përgatitur mbrojtjen. Por komisioni i drejtuar nga nënkryetari i Kuvendit Vangjel Dule dhe jo nga kryetari Ilir Meta e ka shtyrë vetëm dy ditë.
Kështu sipas gjasave gjithçka është gati për seancën e së enjtes. Nga ana tjetër, deputeti Tom Doshi ka akuzuar krerët e prokurorisë se po kërkojnë një arrestim politik. Doshi theksoi se nuk ka prova për inskenim dhe se nuk kam kanosur askënd. Dy deputetët janë të dyshuar për konsumimin e elementëve të veprave penale “Kallëzim i rremë”, “Kanosje për deklarata apo dëshmi, ekspertim ose përkthim të rremë”, dhe “Deklarata të rreme përpara prokurorit”. Mbledhja ka nisur pak pas orës 17:00 dhe u drejtua nga nënkryetari i Kuvendit, Vangjel Dule. Meta u tërhoq nga drejtimi i mbledhjes së këtij Këshilli duke qenë se ai akuzohet prej deputetit Tom Doshi se qendron pas një tentative për ta vrarë atë.
(tesheshi.com)
