Duke iu afruar fundit, kantieri i “Arenës Kombëtare” ka shënuar dhe të parën viktimë në gati tre vite ndërtim.
Naim Idrizi, 40-vjeç, është punëtori që ka humbur jetën pasi ka rënë nga një lartësi e konsiderueshme.
Ai është dërguar në spital por nuk ka mundur t’u rezistojë plagëve.
Të tilla vepra gjigande ndodh të shoqërohen dhe me viktima në punë.
Javë më parë, ndërroi jetë një punëtor që ra nga lartësia e urës së re që po ndërtohet në Rrugën e Kombit, në aksin Kukës – Morinë. Ndërkohë, po në këtë vepër, e sidomos te kantieret e urave, kanë humbur jetën dhe të tjerë punëtorë gjatë viteve të ndërtimit. /tesheshi.com/
