Apple, pas orës inteligjente mendon për krijimin e aparatit tjetër teknologjik. Mendohet se këtë herë po projektohet një unazë inteligjente, në të cilën do të ketë një ekran, një mikrofon, një fotokamer, sensorë të lëvizjes dhe dridhje për të kontrolluar iPhone dhe pajisje të tjera Apple.
Interaksioni me Apple Ring do të bëhet duke prekur ekranin, nëpërmjet zërit apo nëpërmjet lëvizjes së gishtit. Si edhe me aparatet e tjera, nuk është e thënë që kompania me doemos të shndërrojë këtë projekt në një produkt komercial.
Unaza Apple nuk do të jetë e vetmja që do të vijë shumë shpejt në treg. Mes produkteve të shumta që ndodhen, kompania e quajtur Ringly shet për 200 dollarë unazat klasike për femra, me gurë të cilat shfaqin mesazhe, email dhe telefonata që vijnë nëpërmjet dritave apo dridhjeve. Estetikisht këto unaza janë më pak të bukura se iRing, pajisja 25 dollarëshe për të kontrolluar disa aplikacione në iPhone e iPad, të cilat mund të drejtohen nëpërmjet dorës.
Ekziston edhe Ring Zero, e prezantuar në Ces të Las Vegasit janarin e shkuar, pas një mbledhje fondesh në Kickstarter. Ajo kushton 150 dollarë dhe ka të memorizuara 23 gjeste për tu ëprdorur nga aplikacione të ndryshme në iPhone dhe pajisje Android./tesheshi.com/
