Hyni në Snapchat dhe shkoni në faqen “Stories”. Shkoni poshtë për tek “Live” dhe gjejeni Mekën në listën e vendeve të renditura. Shtypni dhe mbajeni gishtin për të parë se si dukej të hënën qyteti i shenjtë, në natën e veçantë të myslimanëve, të quajtur “Nata e Kadrit”.
Mijëra njerëz e rrethonin Qaben në Mekë, duke paraqitur kështu pamje edhe nga ballkonet e mësipërme të xhamisë Al-Masjid të njerëzve duke u lutur dhe lexuar Kur’anin.
Nata e Kadrit konsiderohet nata më e shenjtë e vitit për myslimanët, dhe festohet tradicionalisht në ditën e 27-të të muajit Ramazan. Kjo natë njihet ndryshe edhe si “Nata e Fuqisë”, dhe përkujton natën kur Kur’ani iu shpall për herë të parë profetit Muhamed.
Snapchat me rastin e kësaj nate lansoi një seksion live në aplikacion, duke ua mundësuar përdoruesve që të krijojnë dhe shikojnë fotografi publike dhe video të marra në këtë ngjarje.
Aplikacioni kërkonte që të aktivizohej vendndodhja në mënyrë që ta verifikojnë se gjendet atje ku thonë se janë.
Ngjashëm si videot dhe fotografitë tjera në Snapchat edhe këto në seksionin Live zhduken pas një periudhe të shkurtër kohore.
Mijëra mysliman në mbarë botën përdorën hashtagun #Mecca_live në Twitter që Snapchat ta përfshijë Mekën në seksionin e tij Live.
Në fund, Snapchat e bëri të gatshëm këtë opsion dhe njerëzit dje mundën të shohin Mekën e listuar në seksionin Live. /tesheshi.com/
