Një ngjarje e rëndë po mban të mbërthyer Kosovën pasi dy policë të saj, Malsor Dashi 26 vjeç dhe Armend Trena 23 vjeçc, të dy nga komuna e Kacanikut, kanë rënë me automjetin me te cilin lëviznin në lumin Lepenc në Kaçanik, teksa po udhëtonin drejt Hanit të Elezit.
Aksidenti ka ndodhur në orët e vona të mbrëmjes të së shtunës dhe trupat e tyre ende nuk janë gjetur, pavarëisht kërkimeve intensive përgjatë gjithë natës.
Ndaj kësaj ngjarjeje të rëndë ka reaguar kryeministri Haradinaj, ku me anë të një mesazhi në FB thotë se: “Është shumë pikëllues lajmi për zhdukjen e dy policëve të Kosovës në lumin Lepenc. Ndaj shqetësimin me familjarë dhe miq në këtë fazë shumë të vështirë të shpresës dhe frikës për fatin e policëve tone. Ngjarjet si kjo na bëjnë të mos harrojmë kurrë se policia e Kosovës është ajo që me shumë mund dhe shpesh dhe sakrificë kujdeset që ne të jetojmë në ambient të sigurtë. Falënderoj të gjitha njësitë relevante, Policinë e Kosovës, FSK-në, zjarrfikësit dhe të gjithë të përfshirët në kërkim të dy policëve tanë”, shprehet Haradinaj. /tesheshi.com/
