Pamja e një delfini të plagosur në brigjet e Floridas, të kujton ngjashmërinë me atë të vogëlushit tre-vjeçar sirian Alan Kurdi, i cili pak vite më parë tronditi botën me fatin e tij tragjik në brigjet turke.
Ndërkohë, Amerika po vuan fatin e delfinit në foto, siç bota vuajti fatin e Alan Kurdi.
Dy delfinët u gjetën në Bregun e Gjirit të Florida me lëndime fatale. Autoritetet amerikane kanë njoftuar një shpërblim prej 20,000 dollarë për informacion që mund të ndihmojnë në zgjidhjen e këtij rasti të rëndë.
Sipas Shoqatës së Konservimit dhe Peshkut në Florida, një delfin u zbulua në ujë në jug-perëndim të Floridas javën e kaluar. Autoritetet thonë se kafsha ishte qëlluar ose kishte një plagë me thikë.
Ekspertët thonë se kur delfinët mësojnë të kërkojnë ushqim nga njerëzit, ata i ekspozohen situatave të rrezikshme. Autoritetet po u kërkojnë njerëzve që të ndalojnë ushqimin e delfinëve të egër.
“Një tjetër delfin u gjet në të njëjtën javë me një plumb në të majtë,” tha Administrata Kombëtare e Oqeanit dhe Atmosferës (NOAA).
Që nga viti 2002, të paktën 29 delfinë janë qëlluar ose me pushkë ose me një shigjetë. Në maj të vitit 2019, një delfin u gjet i ngordhur në ishullin Captiva me një goditje në kokë. /tesheshi.com/
