Ambasadorët e vendeve më të fuqishme në botë vazhdojnë t’iu bëjnë thirrje institucioneve të Kosovës të luftojnë korrupsionin dhe shkelësit e ligjit të përballen me drejtësinë.
Ambasadori amerikan në Kosovë, Greg Delawie, ka thënë se kjo dukuri negative kërkon qasje gjithëpërfshirëse të qeverisë dhe shoqërisë në të gjitha sektorët.
“Kosova duhet të vendos rregulla të qarta brenda sistemit të drejtësisë dhe këto rregulla të zbatohen qartë. Është vështirë të thuhet luftë kundër korrupsionit kur një zyrtarë i lartë vazhdon ende punën në zyrën e tij, edhe pse është i dënuar“, deklaroi ambasadori Delawie, në një tryezë të organizuar nga Instituti i Kosovës për Drejtësi ku u diskutua performanca dhe rezultatet e institucioneve të drejtësisë, me fokus në luftimin e korrupsionit.
Delawie ka shtuar se korrupsion zmbraps investimet e huaja dhe ngadalëson procesin e integrimeve evropiane.
“Nxis Këshillin Prokurorial të Kosovës dhe Këshillin Gjyqësorë të Kosovës të marrin hapa që gjykatësit dhe prokurorët ti ndjekin standardet më të larta etike në këtë drejtim“, tha ai.
Ndërsa, Ruari o’Connell, ambasador i Britanisë së Madhe në Kosovë ka thënë se problemet e shumta të mëdha po vazhdojnë të jenë prezent në Kosovë.
Ai tha se Këshilli Gjyqësor dhe ai Prokurorial duhet ta luftojnë korrupsionin. “Shkelësit e ligjit duhet të përballen me ligjin. Ne kemi një interes të përbashkët, nëse e kemi të pranishëm korrupsioni“, ka thënë ai në konferencë.
Kurse, Betim Musliu nga Instituti Demokratik i Kosovës ka thënë se korrupsioni vazhdon të jetë problem në Kosovë.
“Korrupsion të nivelin të lart ende nuk kemi, sepse nuk kemi publikim të pasurisë. Llogaridhënia mbetet një problem shumë shqetësues në Këshillin Prokuroria të Kosovës, ku vitin e kaluar ka nxjerr nje monitorim ku puna e komisionit nuk është bërë transparente, sepse nuk e dimë a po funksionon dhe a ka raste të korrupsionit”, theksoi Musliu. /tesheshi.com/
