Albin Kurti, kandidat për kryeministër i Kosovës, tha në një intervistë për Anadoly Agency se procesi i dialogut ndërmjet Prishtinës dhe Beogradit do të fillojë me integrimin e serbëve të Kosovës, dhe më pas do rishikohen 33 marrëveshje të nënshkruara që nga fillimi i negociatave, si dhe do formohet një ekip negociator në të cilin do të jenë edhe përfaqësues të opozitës.
Sa i përket partisë fituese të komunitetit serb në Kosovë, Lista Serbe, Kurti tha se nuk ishte një parti e preferuar e serbëve të Kosovës, por një parti e krijuar nga Beogradi. Ai gjithashtu tha se do të kërkojë përfaqësues të tjerë të komunitetit serb për bashkëpunim.
“Para se të futemi në Listën Serbe, kemi edhe serbë të tjerë që janë politikanë, përfaqësues që njohin pavarësinë e Kosovës, njohin republikën tonë dhe respektojnë Kushtetutën dhe ligjet e vendit tonë. Kjo është arsyeja pse ne nuk mund të bashkpuojmë në Listën Serbe pa u takuar dhe bashkëpunuar me ata serbë që janë autentikë në përfaqësim dhe janë jashtë diktaturës së Beogradit”, tha Kurti, duke shtuar se gjithsesi ai do fliste me deputetët e Srpska-s, sepse ata do të ishin në Parlamentin e Kosovës, megjithëse sipas tij ky fakt është i rastësishëm.
Ideja e shkëmbimit të territorit do të jetë e vdekur
Sa i përket shkëmbimit eventual të territorit ndërmjet Kosovës dhe Serbisë, Kurti theksoi se ideja nuk kishte vdekur akoma, por që me ardhjen e tij në pushtet, ajo nuk do të mbijetojë.
“Unë duhet të them se ideja e shkëmbimit të territorit ende nuk ka vdekur, sepse si presidenti i Kosovës ashtu edhe presidenti i Serbisë e preferojnë atë. Por me qeverinë e re, përveç që projektet e dështuara do të vulosen si të pasuksesshme, një ide e tillë do të vdesë. Këto janë zgjidhje nga shekulli XIX, ne jemi në shekullin XXI dhe duhet të rritemi sa më shpejtë ekonomikisht dhe të bashkohemi në Bashkimin Evropian sa më shpejt të jetë e mundur, të gjitha vendet e Ballkanit Perëndimor”, tha Kurti.
Kryeministri i mundshëm i ardhshëm thotë se ai do të zhvillojë një dialog të ndërmjetësuar nga BE me Serbinë, por gjithashtu se opozita do të jetë pjesë e ekipit negociator.
“Me mua, si kryeministër, do të fillojmë diskutimet me serbët e Kosovës nga nivelet më të ulta deri në nivelet më të larta për zhvillim, për integrimin shoqëror. E pranoj, kjo është diçka ndryshe. Por unë do ta filloj këtë sepse deri më tani asnjë kryeministër nuk e ka bërë një gjë të tillë”, tha Kurti.
Pas përfundimit të procesit, Kurti njoftoi se do të përgatitet për një dialog me Serbinë, me parime të qarta dhe një ekip negociues të Kosovës me një platformë dhe kërkesat për palën tjetër.
“Shengen i Vogël”
“Unë nuk do të lejoj arrogancën e autoriteteve ndaj partive opozitare dhe nuk do lejoj që Serbia të veprojë si pykë në skenën politike të Kosovës dhe të na përçajë. Ne duhet të qëndrojmë së bashku kundër Serbisë, dhe një marrëveshje me Serbinë, e cila do të arrihet një ditë, do të përfshijë njohjen e pavarësisë së Kosovës, ndryshimin e Kushtetutës serbe, kthimin e pronave dhe zhdëmtimet ushtarake”, tha Kurti.
I pyetur nëse do të bashkohej me të ashtuquajturin “Shengen i vogël”, një ide e promovuar së fundi nga treshja Vuçiç, Rama e Zaev, Kurti tha se ai nuk ishte kundër iniciativave rajonale dhe se Kosova nuk duhet të lihet jashtë nismave të tilla.
Duke theksuar se ai duhet të takohet me kryeministrin Rama për të marrë informacion mbi idenë, planin dhe mënyrën e zbatimit të nismës, Kurti tha: “Unë dua që Shqipëria të shohë Serbinë përmes syve të Kosovës. Kjo është shumë e rëndësishme”. /tesheshi.com/
