Përfshirja zyrtare e Steve Bannon, krye-strategjistit dhe ideologut të Donald Trump në rrethin e ngushtë të zyrtarëve të lartë që vendosin politikat e sigurisë kombëtare të SHBA-ve, ka shkaktuar alarm midis njerëzve që kanë hartuar këto politika në administratën e mëparshme, që e përshkruajnë lëvizjen si një politizim të paprecedent që mund të bëjë ndryshimin midis luftës dhe paqes.
Bannon, ish-shefi i faqes online “Breitbart News” të krahut të djathtë, do të jetë një figurë e përhershme në “komitetin e drejtuesve” të Këshillit të Sigurisë Kombëtare. Njoftimi u bë nga Shtëpia e Bardhë, duke sjellë komente të forta.
David Rothkopf, autori i historisë së Këshillit të Sigurisë Kombëtare, thotë se trazirat e politikës së Jashtme të Trump, në mënyrë intriguese të lidhura me proceset e qëllimshme që i kanë shkaktuar, që tani po krijojnë krizë me ndikime ndërkombëtare.
“Kemi përshkallëzim të kaosit si pasojë e vendimmarrjes së Shtëpisë së Bardhë, pas asnjë konsultim me burokracinë federale, që nuk ka asnjë precedent në historinë moderne dhe tani njerëzit kanë dalë në rrugë në mënyrë masive dhe në mënyra që sjellin në mendje vitet 1960”, tha Rothkopf.
“Nuk është e tepruar po të themi se po fermentohet një krizë”.
Përfshirja e Bannon në Këshillin e Sigurisë Kombëtare me mungesën e eksperiencës në këtë drejtim, ishte një hap “radikal”, thotë Rothkopf, pasi ish-shefi i Breitbart ka treguar se ka pikëpamje “raciste, mizogjene dhe islamofobike. Vendi i tij në Këshill është në thelb “të vendosësh një gisht në peshore në favor të kësaj mënyre të menduari”.
Trump, thotë Rothkopf, po ndërton një aparat sigurie “me njerëzit e gabuar në tryezë dhe me personin e gabuar në krye të tryezës, vetë Trump-in”.
Qeveritë e huaja, duke parë zvogëlimin e ndikimit të shtyllave të mirënjohura të vendimmarrjes për sigurinë kombëtare në Amerikë, kanë gjasa të nisin marrëveshjet me Bannon dhe kortezhin e tij direkt për të siguruar ndikimin tek Trump.
Shtëpia e Bardhë mohon ndonjë ndryshim në përbërjen e Komitetit të Drejtuesve të sigurisë nga sa ka qenë në kohën e Bushit, apo presidentëve të mëparshëm.
Mirëpo, njoftimi i rolit të Bannon në sigurinë kombëtare në fund të javës së parë të Trump në detyrë, gjatë së cilës Bannon u pa qartë si figura më e rëndësishme në Shtëpinë e Bardhë pas presidentit, u pasua me nënshkrimin e një sërë urdhërash ekzekutivë që kulminuan me urdhërin radiakl për ndalimin e udhëtimit në SHBA për refugjatët e emigrantët nga shtatë vende me shumicë muslimane.
Përgatiti: Juli Prifti – /tesheshi.com/
