Kreu i shtetit, Bujar Nishani ka vendsur që të premten, me datë 3 shkurt, të mbledhë Këshillin e Sigurisë Kombëtare, për të diskutuar lidhur me çështjen “Balili”, pas një kërkese të beftë të kreut të Kuvendit, Ilir Meta, sapo u kthye nga ceremonia e inaugurimit të Presidentit Trump. Edhe pse në opinion e sallonet e politikës bëri habi si kërkesë, nga ana e Nishanit aq që u diskutua.
Presidenti iu përgjigj kryeparlamentarit me një “lepe-peqe” që zgjoi dhe më tepër dyshimet për një konspiracion politik. Nga vetë disa anëtarë të qeverisë kjo nuk u prit mirë. Ministri Tahiri reagoi duke thënë se “Presidenti as për Lazaratin nuk e ka thirrur Këshillin e Sigurisë Kombëtare”.
Edhe disa zëra të tjerë institucionalë e kanë kontestuar këtë precedent. Siç dihet tashmë, aleati LSI në qeveri është kritik ndaj dikasterit të Rendit për mosarrestimin e Balilit, ndërkohë që ky i fundit, së bashku me një vëlla dhe nipin e tij kryetar të Bashkisë së Delvinës, janë pjesë e strukturave të LSI-së në nivel lokal. /tesheshi.com/
