Këtë fundjavë duhet të rishikoni edhe një herë garderobën dhe të vini në plan të parë veshjet më të trasha e më të ngrohta, sepse dimri do të tregohet vërtetë i ashpër.
Këtë fundjavë e në vazhdim temperaturat do të ulen ndjeshëm, madje në disa zona malore ato do të pësojnë rënie deri në minus 7 gradë celcius.
Sipas ekspertëve të parashikimit të motit, vendi ynë do të përfshihet nga masa ajrore të paqëndrueshme me origjinë perendimore, të cilat do të shoqërohen edhe me reshje shiu.
Këto masa ajrore të ftohta me origjinë nga artiku do të zotërojnë të gjithë Ballkanin.
Të ftohtin do ta ndjejnë edhe zonat e ulëta bregdetare, pasi është parashikuar që temperaturat të variojnë nga zero deri në -4 gradë. Ndërkohë që temperaturat maksimale nuk do t’i kalojnë të 9 gradët, ndërsa gjatë javës që vjen, shiu do t‘i lerë radhën diellit, ndonëse rrezet e tij nuk do të jenë shumë të ngrohta./tesheshi.com
