Për shkak të problemeve me vizat dhe lejet e qëndrimit në Mbretërinë e Bashkuar, miliarderi rus Roman Abramovich ka vendosur çmimin prej dy miliardë paund për klubin e futbollit Chelsea.
Thuhet se oligarku rus ka humbur tashmë interesin për Chelsea-n e tij, të cilin e ngriti në majë të futbollit botëror, , sepse në muajt e fundit ai ka probleme me marrjen e vizës dhe për këtë arsye ka vendosur një sasi rekord prej dy miliardë paund për shitjen e klubit.
Nëse një blerës është gjetur për Chelsea, do të ishte një sasi e trefishtë sesa ajo e vitit 2006, kohë kur manjati amerikan Malcolm Glazer bleu Manchester United për rreth 790 milionë funta.
Është blerja e konsideruar si më e shtrenjta në botë.
Sipas The Sun, Sir Jim Ratcliffe ofroi rreth 2 miliardë për Chelsea-n, por Abramoviç refuzoi, për shkak se ai kishte një marrëveshje më të madhe.
Abramovich, pasuria e të cilit vlerësohet në rreth 9 miliardë funta, kohët e fundit ka fituar shtetësinë e Izraelit.
Oligarku rus ka ndalur kohët e fundit një plan për të ndërtuar një stadium të ri për Chelsea me një kapacitet prej 60,000 vendesh.
Chelsea ka qenë në pronësi të tij për më shumë se 15 vjet, kur bleu këtë klub nga Ken Bates në korrik 2003 për 140 milionë funta.
Gjatë epokës së Abramovic, ky klub i Londrës fitoi pesë tituj të Premier Ligës, Ligës së Kampioneve, Ligës së Evropës dhe Kupës FA pesë herë. /tesheshi.com/
