Aleanca për Ardhmërinë e Kosovës, dega e kryeqytetit ka ngritur shqetësimin për lënien në harresë të ligjit për Prishtinën, i cili sipas AAK-së, kërkohej vazhdimisht kur në krye të komunës ishte kryeministri aktual. Tashmë, sipas AAK-së, pas pothuajse një viti, asnjë nga drejtuesit e kryeqytetit nuk flet për këtë ligj.
AAK konsideron se ligji për Prishtinën është ligj për qytetarët e saj, e jo instrument presioni për ata që drejtojnë në kryeqytet, kushdo qofshin ata.
Në njoftimin e AAK-së thuhet se në kushtetutë përcaktohet se Prishtina është kryeqyteti iKosovës dhe dhe statusi dhe organizimi i kryeqytetit rregullohet me ligj.
“Kanë kaluar shtatë vite që nga hyrja në fuqi e Kushtetutës së Republikës së Kosovës, por obligimi kushtetues i rregulluar me nenin 13 nuk është realizuar. Sa ishte në krye të kryeqytetit Isa Mustafa, në vazhdimësi kërkohej ligji për Prishtinën. Qytetarëve të Prishtinës, zyrtarë të LDK u ankoheshin se PDK dhe SHIK po e bllokojnë këtë ligj, sepse nuk po ja duan të mirën kryeqytetit. Sot, pothuajse pas një viti të qeverisë Mustafa, askush nga ish-udhëheqësit e kryeqytetit nuk flet për këtë ligj!!!
Ligji për Prishtinën është ligj për qytetarët e saj, e jo instrument presioni për ata që udhëheqin me Prishtinën, kushdo qofshin ata. Po të ishin qytetarët e Prishtinës joshqiptarë, Hashim Thaçi qysh në vitin 2008 do ta procedonte këtë ligj, kurse Isa Mustafa në muajin e parë të qeverisjes së tij. Që të dy në arsyetim të këtij ligji do të fabrikonin arsyetime se sa i mirë është ky ligj për të ardhmen Europiane të Kosovës”, thotë AAK. /tesheshi.com/
