Presidenti i SHBA Joe Biden ka thënë se aktualisht po planifikon të kandidojë sërish në zgjedhjet e ardhshme në vitin 2024 dhe nëse kandidon edhe paraardhësi i tij Donald Trump, kjo vetëm rrit gjasat e kandidaturës së tij të re.
“A po planifikoni të kandidoni përsëri?”, pyeti prezantuesi i ABC News Biden-in.
Biden u përgjigj pozitivisht.
“Nëse jam mirë me shëndet siç jam tani, do të kandidoj sërish”, ka thënë Biden.
Ai u ripyeti nëse kjo do të thoshte se ai do të kishte një revansh kundër Trump.
“Ti po përpiqesh të më tundosh tani,” tha Biden duke buzëqeshur, duke shtuar:
“Sigurisht. Pse mos rikandidoj kundër Trump? Në fakt, do të rriste gjasat që unë të kandidoja.”
Në moshën 78-vjeçare, Biden u bë presidenti më i vjetër në historinë e Shteteve të Bashkuara që bëri betimin kur mori detyrën më 20 janar. /tesheshi.com/
