Rusia festoi 70-vjetorin e fitores sovjetike mbi nazizmin. Mbi qiellin e qetë të Moskës, në Sheshin e Kuq kanë parakaluar 15 mijë ushtarë rusë, 1300 të huaj, rreth 200 mjete luftarake dhe 143 helikopterë në atë që është paralajmëruar edhe më parë si parada më e rëndësishme e Rusisë gjatë kohëve të fundit. Mirëpo, një pjesë e madhe e liderëve botërorë anë refuzuar ftesën e Kremlinit për të marrë pjesë në këtë manifestim, për shkak të krizës me Ukrainën.
Mes të pranishmëve është edhe Xi Jinping, presidenti i Kinës me të cilin Moska ka formuar një partneritet strategjik në të gjitha fushat. Përveç tij ndodhen edhe kryetarët e Indisë, Afrikës së Jugut dhe Kubës, përfshirë edhe Sekretarin e Përgjithshëm të OKB-së, Ban Ki-Moon.
Parada ushtarake është për Rusinë edhe një rast për të treguar fuqinë e saj sa u takon mjeteve moderne ushtarake, pasi do të parakalojnë në shesh tanku T-14 si dhe shumë automjete të tjera të reja të blinduara, përfshirë edhe komplekset e raketave.
Ministrat e Jashtëm të Italisë dhe Francës Paolo Gentiloni e Laurent Fabius, nuk do të marrin pjesë në paradë por në ceremoninë ku do të vendosin lule në varrin e ushtarit të panjohur në Giardini Aleksandrovskij si dhe në Kremlin, në një pritje të krerëve të delegacionit dhe trupit diplomatik.
Të dielën do të jetë kancelaria gjermane Angela Merkel ajo që do të vendosë kurora me lule tek Ushtari i Panjohur, përpara se të pritet nga Presidenti Putin. Nuk ishte si të mungonte në këtë paradë as trupi diplomatik i Serbisë, të cilët kishin lajmëruar pjesëmarrjen e tyre disa muaj më parë./tesheshi.com/
