Ministri i Rendit Taulant Balla ka paralajmëruar fundin e “parajsës” së krimit shqiptar në Dubai.
“Llogaridhënia duhet të jetë e ndjetë për çdo qytetar. Sa kohë je në një kërkim gjykate dhe je në kërkim, detyra e policisë është që këta persona të gjenden. Po punojmë me Emiratet që të kemi sa më shpejt një marrëveshje ekstradimi. Pas disa javësh do jem atje për të finalizuar një marrëveshje që do mundësonte që edhe ky vend të mos jetë me si një oaz shpëtimi për ata që kanë probleme me drejtësinë”, tha Balla.
Siç dihet, shumë emra të krimit shqiptar jo thjesht fshihen në Dubai, por dhe kanë investuar aty. Ata jetojnë të pashqetësuar nga fakti se me Dubain nuk ka marrëvëshje ekstradimi, një shteti që thjesht i interesojnë milionat që futen aty e se kush janë ata që i fusin. Kjo ka bërë që pikërisht në vendin e famshëm arab të transferohet një pjesë e krimit shqiptar. /tesheshi.com/
