Nga pelushat e ëmbël deri tek lojërat e tjera më të ndërlikuara dhe më pas tapetet elastike. Këto që do t’ju tregojmë më poshtë janë objektet më të dëshiruara të fëmijëve por që mund të jenë tepër të rrezikshme për shëndetin e tyre.
Listën e ‘10 lojërave-objekte më të këqija të vitit 2015 për sigurinë e fëmijëve’ e ka realizuar shoqata amerikane World Against Toys Causing Harm (Watch).
Pelushi mbi rrota – Gjatë vitit 2015 një pjesë e madhe e këtyre lojërave u tërhoqën nga tregu, për shkak se kanë disa pjesë që mund të shkaktojnë mbytjen e fëmijëve.
Pistoleta lojë – Janë tepër të rrezikshme për fëmijët, pasi nëpërmjet mënyrës së përdorimit të këtyre lojërave janë shkaktuar mjaft incidente në familjet që kanë fëmijë të vegjël dhe një armë të vërtetë.
Tapeti elastik – Duke u hedhur në lartësi të madhe, fëmijët rrezikojnë të dëmtojnë kokën, qafën apo pjesë të tjera të trupit.
Plastelina – Mund të shkaktojë kriza tek fëmijët që vuajnë nga alergjitë apo edhe probleme të tjera serioze, në rast se ajo gëlltitet.
Smack shot – Siç mund të kuptohet, rreziku më i madh është ai i goditjes në fytyrë apo në sy, çka mund të të lejë me pasoja.
Skateboard pa rrota – Duke luajtur, një fëmijë mund të pësojë trauma të mëdha për shkak të rënies prej saj.
Shpata e breshkës Ninja – Mund të shkaktojë plagë dhe lëndime të ndryshme në pjesë të trupit.
Kompletet e pajisjeve mjekësore – Objekte që kanë përmasa të vogla mund të bëhen shkak i mbytjes, si pasojë e gëlltitjes.
Zebra dhe arushë të vegjël – Janë objekte me përmasa të vogla, që rrezikojnë në çdo moment jetën e fëmijës, pasi të vegjlit mund ti gëlltitin.
Kthetrat – Shkaktojnë trauma dhe shenja e gërvishtje në trup./tesheshi.com/
