Mr.Bee ka blerë 47 për qind të aksioneve të Milanit për 470 milionë euro. Milan ka shitur 47 për qind të aksioneve të klubit tek Mr.Bee, për 470 milionë euro, raportojnë mediat italiane.
Nuk janë shumica, por pak më pak. Mr. Bee do të hyjë në klub, ai ka arritur marrëveshje me Silvio Berlusconin, pas një takimi të gjatë në Arcore.
Palët thuhet se kanë diskutuar edhe për mundësinë që Bee të ketë shumicën e aksioneve të Milanit brenda 24 muajve të ardhshëm.
Nuk e do trajnerin serb
Bee Teachaubol, aksionari i ri i Milanit nuk dëshiron që Sinisa Mihajlovic të jetë trajner i ri i Rossonerëve. Bee Taechaubol, i njohur shkurt si Mr.Bee ka blerë 47 për qind të aksioneve të Milanit.
Dhe, ai menjëherë ka kërkuar që Sinisa Mihajlovic të mos emërohet në postin e trajnerit në San Siro, raportojnë mediat italiane. Mirëpo, kreu i Rossonerëve, Silvio Berlusconi ende e konsideron serbin si personin e duhur për ta drejtuar ekipin. Si do të përfundojë kjo, mbetet të shihet.
Por, tifozët shqiptarë të Milanit shpresojnë që Mihajlovic të mos emërohet në detyrë. /tesheshi.com/
