Zjarret që kanë përfshirë disa qytete malazeze kanë qenë aktive gjatë natës. Situata më e vështirë ishte në Tivat, ku zjarrfikësit luftuan me flakët në vendbanimet Lustica dhe Bigova. Kjo ka detyruar autoritetet qeveritare malazeze që përmes Mekanizmit të Mbrojtjes Civile të Bashkimit Evropian të ccojë kërkesë për ndihmë ndërkombëtare në shuarjen e zjarrit.
Rreth 150 zjarrfikës kanë qenë në detyrë gjatë natës në më shumë fshatra të Tivatit, duke luftuar me flakët e ndezura në këtë qytet. Në ndihmë dolën edhe 30 ushtarë të ushtrisë së Malit të Zi, dhe gjithashtu, ndihmë është dhënë edhe nga një numër i madh i qytetarëve.
Në fikjen e zjarrit janë përfshirë të gjitha ekipet e zjarrfikësve, të cilat po ndihmohen nga zjarrfikësit nga qytetet e tjera të Malit të Zi. Nga grejtoria e situatave emergjente të Ministrisë së Brendshme është lëshuar një deklaratë në të cilën thuhet se situata në atë zonë është kritike dhe në qoftë se era vazhdon fryjë me këtë ritëm, zjarri shumë shpejt do të arrijë deri te shtëpitë. /tesheshi.com/
