Duket që dita e mirë nis që në mëngjes. Për të qenë aktivë, energjikë dhe në formë gjatë gjithë ditës është shumë e rëndësishme, madje thelbësore të mos e kapërceni asnjëherë mëngjesin, si këshillë e mjekëve dhe nutricionistëve.
Gjithsesi, vakti i parë i ditës nuk është i rëndësishëm vetëm për mirëqenien e përditshme, por edhe për atë të brezave pasardhës. Sipas shkencëtarëve, femrat që dëshirojnë të kenë një fëmijë të seksit mashkull në të ardhmen, nuk duhet ta kapërcejnë asnjëherë ngrënien e mëngjesit.
Një kërkim i Northwestern University në Ilinois, i raportuar nga Daily Mail, ka nxjerrë se nënat që nuk hanë mëngjesin, gjatë ngjizjes së fëmijës kanë vetëm 45% të shanseve për të lindur një fëmijë mashkull, në krahasim me 51% të atyre që e konsumojnë rregullisht këtë vakt.
Sipas studimit të realizuar në 700 mijë femra, kapërcimi i mëngjesit ul nivelin e glukozës në gjak çka ka një efekt më të madh tek fetusi mashkull se sa tek ai femër.
Studimi konsideron mungesën e mëngjesit si një gjendje stresi dhe i bashkëngjitet një studimi tjetër, sipas së cilit, gjatë katastrofave të veçanta, siç janë tërmetet apo gjendjet e luftës, lindin më pak meshkuj se sa femra.
Pra, nënat e ardhshme duhet t’i thonë lamtumirë traditës apo dëshirës për të lindur djem, nëse nuk hanë mëngjesin./tesheshi.com/
