Bekim Laçi
Lideri i LSDM-së Zoran Zaev nuk do të udhtojë në takimin e Brukselit të thirrur nga komisioneri, Johanes Han, në të cilin .duhej që bashkë me kryeministrin Gruevski të gjejnë zgjidhje për tejkalimin e krizës politike.
Arsyeja për Zaevin është deklarata e Komisionerit.Han dhënë në Uashington, të cilën Zaev e ka cilësuar si tendencioze dhe se e njejta nuk korespondon me periudhën përgaditore para takimit vendimtarë në Bruksel:
“Deklarata e eurokomesarit Han për raportet pozitive të OSBE-së lidhur me ciklet e fundit zgjedhore në Maqedoni është për tu habitur. As OSBE dhe as BE nuk kanë konstatuar deri më tani se zgjedhjet në Maqedoni kanë qenë positive . Në mënyrë shtesë, dëshmitë nga projekti “E vërteta për Maqedoninë” zbuluan prapavijën kriminale të disa cikleve zgjedhore në vend, të cilat kanë qenë të organizuara dhe zbatuara nga Gruevski dhe pushteti i tij” deklaroi Zaev.
Ai theksoi se LSDM në këtë periudhë është sjellur në mënyrë demokratike dhe është ulur në një tryezë përskaj pozitës të palakmueshme në të cilën është gjetur.
”Pas bisedimeve të 2 qershorit në Shkup, është ngritur edhe një kallëzim penal kundër meje për mitmarje.
Dhamë maksimumin tonë në këtë proces serioz dhe presim që kjo të respektohet nga të gjitha palët” përfundoi Zaev.
/tesheshi.com/
