Vuçiç, vizitë lobuese në SHBA. Asnjë konfirmim për takim në Shtëpinë e Bardhë

Kryeministri serb, Aleksandar Vuçiç, do të udhëtojë për vizitë zyrtare në Shtetet e Bashkuara të Amerikës nga fundi i majit ose fillimi i qershorit. Data e saktë e vizitës ende nuk është vendosur, shkruan gazeta “Danas”, duke iu referuar burimeve qeveritare. “Novosti” shkruan se Vuçiç në Uashington do të udhëtojë nga mesi i majit. Gazeta shkruan se është e sigurt që Vuçiç gjatë qëndrimit në SHBA do të bisedojë me kongresmenë të rëndësishëm, ndërsa në ambasadën amerikane në Beograd s’kanë ditur të tregojnë se a do të jetë ky rast që kryeministri serb të takojë edhe presidentin e SHBA­ve, Barack Obama. Ftesën e zv.presidentit amerikan Joseph Biden, Vuçiçit dje ia dorëzoi ambasadori në Beograd, Michael Kirby, gjatë një takimi ku është folur për marrëdhëniet bilaterale, njoftoi Qeveria serbe