Italia, Gjermania, Franca dhe Hollanda kanë nënshkruar një kontratë me kompaninë farmaceutike AstraZeneca për të siguruar një vaksinë të koronavirusit për qytetarët evropianë, tha ministri italian i Shëndetësisë, Roberto Speranza.
Kontrata mbulon 400 milion doza të vaksinës, e cila u zhvillua në bashkëpunim me Universitetin e Oksfordit.
Faza eksperimentale tashmë është duke u zhvilluar dhe pritet të përfundojë deri në vjeshtë, shkroi Speranza në Facebook.
Ai shtoi se shpërndarja e parë e dozave të vaksinave do të ishte në dispozicion deri në fund të vitit, raporton Reuters.
Qeveritë e BE-së i kanë dhënë një mandat Komisionit Evropian për të negociuar blerjen e vaksinave premtuese të koronavirusit. /tesheshi.com/
