Me sa duket, sa herë që porosisim një racion me patate të skuqura apo një picë, bashkë me to na servilet për sistemin tonë nervor edhe një pjesë e madhe e stresit. I ashtuquajturi “ushqimi i rehatshëm”, ose ushqimi që na ngushëllon më së shumti në momente të pakënaqësisë, mërzitjes, trishtimit apo kur nuk kemi kohë, në të vërtetë është vetëm një armik fals. Sajti MindBodyGreen.com rendit një listë të gjatë të ushqimeve që sjellin stres dhe ankth tek njerëzit.
Ëmbëlsirat – Çokollata, e cila është një nga produktet më të pëlqyera të një pjese të madhe të personave është një nga ushqimet ‘e këqija’. Nëse bëhet fjalë për konsumin e një pjese të vogël fondenteje, është e mirëpritur, pasi është e pasur me antioksidantë dhe ka mungesë të sheqernave. Ajo ndihmon në rritjen e nivelit të energjive dhe na mbron nga sulmet e radikaleve të lira.
Qumështi dhe nënproduktet e tij – Duhet pasur parasysh se një pjesë e madhe e njerëzve, edhe pse e kanë shumë të nevojshëm këtë produkt paraqesin intoleranqë të lartë ndaj tij. Sipas sajtit, duhet të qëndrojmë sa më larg të jetë e mundur nga ky produkt me origjinë shtazore. Ata që e duan shumë djathin, duhet ta dinë mirë se prej tij vijnë probleme të rëndësishme me shëndetin, simptomat e së cilave janë shpërqendrimi, lodhja, fryrja e barkut etj.
Yndyrnat – Ushqimi i rehatshëm është shpesh i pasur me yndyrna dhe vajra të tepërt, të cilët ndikojnë negativisht në organizëm. Bëni mirë të reduktoni sa më shumë të jetë e mundur ushqimet me shumë yndyrnë, por jo ti hiqni apo eliminoni fare ato, pasi trupi ka nevojë për gjithçka. /tesheshi.com/
