Tronditja në televizionin Agon-channel ka krijuar një katastrofë sociale, pasi qindra reporter, operatorë, teknikë dhe ndihmës janë në mes të rrugës dhe prej muajsh nuk marrin pagat ndryshe nga vipat që i kanë marrë paradhënie.
Unioni i Gazetarëve Shqiptare i bën thirrje qeverisë që të ndërhyjë në zgjidhjen e menjëhershme të pagave të punojnësve mediatikë.
Deklarata e Unionit të Gazetarëve
“Unioni i Gazetarëve Shqiptarë është i informuar për njoftimet zyrtare që përfaqësues të administratës dhe punëdhënësit në shoqërinë mediatike “Agonset” shpk., u kanë bërë dhjetra punonjësve dhe disa gazetarëve, sipas të cilave u bëhet me dije diskutimi për zgjidhjen e kontratës së punës. Një njoftim i tillë për disa dhjetra punonjës i shpërndarë individualisht, vjen pas denoncimit të situatës për mosmarrjen e pagave prej muajit maj të vitit 2015.
Unioni i Gazetarëve Shqiptarë vëren se kjo situate e rëndë në këtë medie ka veshtirësuar së tepërmi gjendjen financiare të gazetarëve dhe stafit te televizionit, si dhe ka ridëshmuar edhe një herë mungesën e mbështetjes institucionale e ligjore për gazetarët.
Edhe pse gjendja ka tre muaj që përkeqsoshet, pas shpalljes se masës së sekuestros preventive për shkak të hetimeve nga organi i Prokurorisë, për të drejtat financiare dhe sociale të punonjësve dhe gazetarëve askush nuk mban përgjegjësi dhe nuk garanton mbrojtje ligjore.
Në këto kushte Unioni i Gazetarëve Shqiptarë kërkon nga Inspektoriati i Punës dhe organet e Ministrisë së Mirëqënies Sociale të ndërhyhet për respektimin e akt-marrëveshjes individuale dhe garantimin e se drejtës ligjore financiare për gazetarët dhe gjithë punonjësit, të cilëve së fundi u kërkohet në menyrë të njëanshme t’u zgjidhet kontrata.
Unioni i Gazetarëve Shqiptarë dënoncon gjendjen në përkeqësim të informalitetit dhe situatës kritike e financiare me të cilën përballen jo vetën gazetarët e “Agonn Channel” shumica e gazetarëve në vend”.
/tesheshi.com/
