Lionel Mesi mori një dhuratë speciale për ditëlindje. Një fans i tij i çmendur, i cili njihet si një prej koleksionistëve më të mëdhenj në Korenë e Jugut, udhëtoi 30 orë për t’i bërë një dhuratë të veçante.
Jae Hung Li udhëtoi nga Seuli për në La Serena (qytet në Kili, ku është vendosur Argjentina) për t’i dorëzuar personalisht 28-vjeçarit një dhuratë. Jae Hung Li ka shkruar edhe një libër ku ka rrëfyer pasionin e tij për të koleksionuar (prej 40 vitesh) objekte të ndryshme në lidhje me futbollin.
Ai nuk takohej për herë të parë me një yll të kësaj loje, pasi në të kaluarën kishte “ngurtësuar” edhe momente pranë Peles, Maradonës dhe Euzebios. Në këtë “koleksion” yjesh ai kishte edhe një fotografi me vetë Leo Mesin. Pikërisht në këtë takim, të ndodhur pas një turi të Barcelonës në Seul, koreano-jugori i kishte premtuar Mesit se do t’i bënte një dhuratë të veçantë për ditëlindje. /tesheshi.com/
