Pas refuzimit për të marrë pjesë në një komision hetimor nr. 2, presidenti Meta është justifikuar me kartën e njohur të cenimit të Kushtetutës, jo nga ai por nga ata që duan ta shkarkojnë, të cilët po e bëjnë këtë në emër të shkeljeve kushtetuese të kreut të shtetit.
“Presidenti i Republikës nuk mund të diskutojë, por dhe as të dëgjohet nga një strukturë e ngritur në Kuvend, që nuk ka legjitimitet dhe nuk duhet të ekzistojë sipas Kushtetutës dhe ligjit. Presidenti i Republikës, ripërsërit edhe një herë thirrjen për reflektim në kohë nga ana e deputetëve të këtij Kuvendi, që veprimtarinë e tyre në kushtet e afrimit dita-ditës të përfundimit të mandatit, duhet ta ushtrojë vetëm në përputhje me rendin e brendshëm juridik”, shkruan Meta.
I ideuar komision për t’u marrë dhe me forcë, ai pretendon se ka dashur të vijë në komision, por që arbitrarisht ia kanë mohuar.
“Para së gjithash, ju bëjmë sërish me dije se, Kuvendi i Shqipërisë e humbi mundësinë që nëse do të donte të zhvillonte një seancë dëgjimore me Presidentin e Republikës, ta zhvillonte atë sipas kërkesës së tij, në datën 10 maj 2021, duke e mohuar këtë kërkesë në mënyrë arbitrare dhe të orientuar politikisht”, shkruan Meta. /tesheshi.com/
