Mozaik më i ëmbël se ai i krijuar së fundmi që është quajtur “Vajza cigane”, nuk keni parë dhe për shkak të përmasave dhe veçantisë së tij ka hyrë në rekordet Guinness.
U desh puna e plot 60 mjeshtrave të bakllavasë dhe 15 artistëve si dhe e 100 fëmijëve, të cilët janë bërë bashkë në Turqi, duke krijuar mozaikun më të madh në botë me bakllava plot 39.5 metër katrorë.
Sponsori i këtij mozaiku është Levent Aktas, një mjeshtër bakllavaje turk, i cili thotë se janë përdorur plot 750 kilogramë bakllava e ndarë në 6160 pjesë.
Gjithë mozaiku u shfaq të premten që lamë pas në një qendër tregtare në Gaziantep, afër kufirit me Sirinë, vend i njohur për prodhimet e bakllavasë.
Për arritjen e një rezultati perfekt, gjithë puna u organizua nga piktori Mustafa Bencan.
Për krijimin e këtij mozaiku të veçantë u përdor pamja e mozaikut origjinal të “Vajzës Cigane” të qytetit antik të Zegumës, i cili njihet si Gazintepi i sotëm./tesheshi.com/
