Në të njëjtën javë që Donald Trump u bë president i SHBA-ve (për dëshpërimin e grave të mbarë botës), ky imazh i fuqishëm ishte më se i nevojshëm.
Camilla, Dukesha e Cornwall-it, ka qenë kohët e fundit në Emiratet e Bashkuara Arabe, si pjesë e një turneu në Lindjen e Mesme, ku ajo dhe Princi Charles kaluan tri ditë duke vizituar Dubain, Abu Dhabin dhe Al Ain.
Çifti mbetëror britanik ishin në Dubai për të nxitur tolerancën fetare dhe mbështetjen e grave në udhëheqje ndër të tjera – dhe asgjë nuk përmbledh këtë më të mirë se kjo foto, lëshuar të mërkurën nga Clarence House.
Gjatë vizitës së saj, Camilla ishte i shoqëruar nga një skuadër për mbrojtje të afërt – të gjithë femra, njoftojnë burime nga pallati.
Në foto, dukesha është e rrethuar nga katër shoqëruese , secila e veshur me hixhabin tradicional dhe abaya duke u përkujdesur për sigurinë e dukeshës Camilla gjatë kohës sa ajo po lëshonte Emirates Palace Hotel në kryeqytet.
Fotoja, aktualisht ka marrë shumë pëlqime në Instagram, ka tërhequr shumë lëvdata dhe ka marrë vlerësime të larta.
Gratë që përbënin ekipin e truprojeve janë vajza të reja, të moshës ndërmjet 29 dhe 30 vjeç, sipas Daily Mail.
Gazeta britanike njoftoi se Camilla ishte “e lumtur me vendimin që t’i caktohet një ekip femër për sigurinë e saj, gjatë kohës që ajo kishte udhëtuar nëpër vendet e Gjirit”.
Gratë janë zgjedhur me kujdes nga rojet presidenciale të Emirateve të Bashkuara Arabe, e cila numëron më shumë se 50 femra në mesin radhëve të saj, dhe ku të gjitha janë shumë të afta në artet marciale dhe teknikat luftarake.
Dhe ato nuk janë vetëm truproje të shkëlqyera – tre prej tyre janë edhe aventuriere; Shaima, Nisreen dhe Hannan kanë pushtuar majën Everest gjatë një udhëtimi rraskapitës në fillim të këtij viti. /tesheshi.com/
