Tre flamuj nazistë dyshohet se u varën nga individë të paidentifikuar në një hyrje të autostradës në lagjen Essingeleden të Stokholmit, kryeqyteti i Suedisë, më 20 prill, në ditëlindjen e Adolf Hitlerit.
Zëdhënësi i policisë së Stokholmit Mats Eriksson tha se ata kishin nisur një hetim mbi incidentin si një krim urrejtjeje.
Ai ka treguar se shpeshherë hasin pankarta me mesazhe politike në gurët në hyrje të autostradës.
“Veçanërisht aktivistët ndajnë mesazhe politike sepse trafiku këtu është i rënduar. Nuk është bukur ta ndajmë këtë,” tha Eriksson.
Ai shtoi se flamujt nazistë ka shumë të ngjarë të jetë varur për të shënuar ditëlindjen e diktatorit Adolf Hitler, i cili ka lindur më 20 prill.
Adolf Hitler, ish-lider i Partisë Naziste dhe ish-Kancelar i Gjermanisë nga viti 1933 deri në 1945, është përgjegjës për shpërthimin e Luftës së Dytë Botërore dhe Holokaustit, një nga ngjarjet më të errëta në historinë moderne.
I lindur më 20 prill 1889, në qytetin austriak të Braunau am Inn, Hitleri tregoi një interes për artin që në moshë të re. Pasi nuk arriti të hynte në Akademinë e Arteve të Bukura në Vjenë, ai jetoi në varfëri dhe zhvilloi pikëpamje të forta antisemite dhe nacionaliste. Më pas, historia dihet. /tesheshi.com/
