Anëtarë të organizatës Manifesti Maqedonas nëpërmjet një letre i kanë shkruar presidentit të sapo zgjedhur amerikan, Donald Trump, nga i cili kërkojnë vëmendje më të madhe për Maqedoninë.
“Llogarisim në përkrahjen tuaj energjike, humanitare dhe etike për të na ndihmuar ta ruajmë emrin shekullor që e mbajmë”, thuhet mes tjerash në letër.
Ata mëtutje theksojnë se edhe populli maqedonas, njëjtë si ai amerikan, janë liridashës.
Nënshkrues të kësaj letre janë: Eftim Kletnikov- poet, Stefan Vllahov- Micov- historian, Aleksandar Rusjakov- shkrimtar dhe regjisor, Stojan Stojkov- kompozitor, Sllobodan Prenxhov- profesor universitar, Vasil Atanasov- muzicient dhe Zapro Zaprov- dirigjent dhe kompozitor.
Politika maqedonase prej vitesh është në konflikt me atë greke në lidhje me emrin. Athina zyrtare, referuar të dhënave historike nuk e pranon emrin Maqedoni të shtetit fqinj.
Kështu, Maqedonia njihet ndryshe zyrtarisht dhe me ankronimin FYROM, por segmente nacionaliste, siç është dhe Manifesti Maqedonas nuk e pranojnë këtë gjë. /tesheshi.com/
