Dy punonjës të ambasadës izraelite u qëlluan për vdekje në qendër të Uashingtonit, pranë Muzeut Hebraik, thanë zyrtarët amerikanë.
Sipas informacioneve fillestare, bëhet fjalë për një burrë dhe një grua që u qëlluan me armë zjarri ndërsa po largoheshin nga një aktivitet i mbajtur në Muzeun Hebraik të Kryeqytetit.
Në kohën e sulmit, disa anëtarë të stafit të Ambasadës Izraelite ishin në të njëjtin aktivitet.
🚨 Two Israeli embassy staff were shot dead outside the Capital Jewish Museum in DC. The killer shouted “Free Palestine” during the attack.
This wasn’t protest. This was hate-fueled terrorism—on U.S. soil.
Let that sink in.pic.twitter.com/anV8RE20J9
— Avi Yemini (@OzraeliAvi) May 22, 2025
Sekretarja e Sigurisë Kombëtare të SHBA-së, Kristi Noem, shkroi në rrjetet sociale për të dënuar sulmin, duke thënë: “Dy punonjës të ambasadës izraelite u vranë pa kuptim sonte pranë Muzeut Hebraik në Uashington. Lutemi për familjet e tyre. Le ta nxjerrim këtë autor të shthurur para drejtësisë.”
Pamela Smith, drejtuesja e Departamentit të Policisë Metropolitane, tha se autori është në paraburgim.
“Ne besojmë se të shtënat u kryen nga një i dyshuar i vetëm, i cili tani është në paraburgim. Përpara të shtënave, i dyshuari u pa duke ecur para dhe mbrapa përpara muzeut”, tha Smith.
Ai është Elias Rodriguez, një 30-vjeçar nga Çikago.
Rodriguez njihet si një aktivist i hershëm dhe anëtar i organizatës politike të krahut të majtë Partia për Socializëm dhe Çlirim. Gjatë viteve, ai ka marrë pjesë vazhdimisht në protesta kundër korporatave të mëdha, përfshirë Amazon, dhe ka një diplomë në anglisht nga Universiteti i Illinois në Çikago. Aktivizmi i tij ishte i përqendruar në luftën për të drejtat e pakicave në Shtetet e Bashkuara.
🇺🇸 — VIDEO: Alleged footage of the D.C. Jewish museum attacker Elias Rodrigues being arrested. pic.twitter.com/iRa9JtLLNr
— Belaaz News (@TheBelaaz) May 22, 2025
Motivi i sulmit nuk është konfirmuar ende zyrtarisht, ndërsa hetimet janë duke vazhduar. Autoritetet vazhdojnë të punojnë për të mbledhur informacione shtesë për të hedhur dritë mbi të gjitha rrethanat e këtij krimi të rëndë, i cili ka shkaktuar reagime të forta publike, si në SHBA ashtu edhe në Izrael. /tesheshi.com/
