Një gallate e një media nga Presheva ka shtyrë dy ministra të qeverisë serbe të gjenin soj e sorollop dhe madje të dilnin para kamerave për të folur për gjyshët që kanë luftuar me “ariun”. E gjithë media tabloide e Beogradit është marrë me këtë argument ditën e sotme.
Para se të nisnin sot negociatat mes Prishtinës dhe Beogradit, “Presheva Jonë” në një shkrim me gjysëm shaka thoshte se Ministri i Mbrojtjes i Serbisë, Bratislav Gashiç është shqiptar pasi mbiemri Gashi është një prej 15m fiseve të vjetra që kanë jetuar në Bjeshkët e Namuna dhe Rrafshin e Dukagjinit, të cilët më pas zbritën në Fushën e Kosovës apo Shalën e Bajgorës.
Po të njëjtën agjencia “Presheva Jonë” e thoshtë edhe për Rasim Lajiç, për të cilin e kishte më të thjeshte emrin: Rasim Lahi. Por çndodhi? Dy ministrat të tërbuar nisën të gjejnë sa më shumë partizanë e luftëtarë të Serbisë së “Madhe. i pari foli Gashiçi. “Po kërkoj pemën genealogjike për tua treguar. Por mund të them me siguri që parardhësit e mi në 1 mijë vitet e fundit jetojnë në Krushevac dhe jam krenar për origjinën time. Radosh Gashiç, një parardhës i imi ka memorialin e tij pasi ka qenë luftëtar i Divizionit Shumadijske.
Kurse ministri për Tregtinë Rasim Lajiç the se e gjithë kjo është një budallallëk. Thjesht mund të përmend proverbin se Popi i fundit do të pagëzojë bagëtitë”. Nese vërtetë mund të thonë çtë duan por mbiemrat i kanë të tillë.
