Kancelarja Angela Merkel sërish fitoi zgjedhjet në Gjermani me të paktën 33.5 % përqind të votave, shkruajnë mediat gjermane.
Merkel, udhëheqëse e CDU-së, i është adresuar mbështetësve në Berlin pasditen e sotme, pasi partia e saj dhe CSU rezultojnë si fitues të zgjedhjeve.
Kancelarja tha se priste një rezultat më të mirë, por ka shtuar se aleanca CDU/CSU përbën partinë më të madhe në parlamentin gjerman dhe do të formojë qeverinë e ardhshme të vendit.
Krahasuar me zgjedhjet e 4 viteve më parë, CDU humbi rreth 5 % në zgjedhjet e sotme, po kaq sa socialdemokratët e Martin Schulz.
Në Bundestagun e ri do të jenë të përfaqësuara 6 parti, nga 5 që ishin deri më sot. Konkurenca politike është bërë më e fortë, sepse partia Alternativa për Gjermaninë (AfD) me 13,2% hyn si forca e tretë në parlament.
Socialdemokratët kanë marrë 20,8%, Liberal Demokratët (FDP) 10,1%, partia e Majta 8.9%, të Gjelbrit 9,3% dhe të tjerat 4,5%, nuk arrijnë të përfaqësohen në parlament.
Përqindja e fituar nga AfD ishte e pritshme, sikundër edhe humbja e socialdemokratëve.
Me rikthimin e liberalëve në Parlament për Angela Merkelin ka dy mundësi koalicionesh: me socialdemokratët ose me liberalët dhe të gjelbrit.
Një koalicion me bazë të gjerë me socialdemokratët, ka pak gjasa të ndodhë. Kjo për faktin se socialdemokratëve nuk i përshtatet roli i më të voglit, ndaj ajo mund të preferojë të qëndrojë në opozitë.
Varianti i formimit të qeverisë me një koalicion prej 3 partish unionit CDU/CSU me Liberalët (FDP) dhe të Gjelbrit, mbeten mundësia më e mirë. Por ky është një terren i ri politik.
Pas këtyre zgjedhjeve, Gjermania mbetet ajo që është, një zonë e qetë politike, ekonomike dhe shoqërore.
Tension duket se ka diku tjetër, në Rusinë e Putinit, SHBA e Trump-it dhe në Britaninë e Madhe, që është në rrugën e proçedurave për të dalë nga BE.
Por a mundet që Merkel të mbyllë një mandat të plotë me një koalicion me 3 parti?
Protestantja konsiderohet shumë e vendosur; atë që nis e çon deri në fund.
Gruaja e parë në këtë post dhe si një kancelare për një kohë të gjatë, Merkel është tani një rast për të hyrë në librat e historisë. Por sidoqoftë që të lërë një gjurmë të fortë, asaj i mungon ende një vendim i madh politik.
Adenaueri integroi republikën e vjetër në Perëndim, Brandi krijoi me politikën e tij për Lindjen një afrim në kohën e Luftës së Ftohtë, Kohl organizoi ribashkimin, Schröder reformoi shtetin social. Por çfarë i mbetet Merkelit?
Për të gjithë befasuese ishte hapja prej saj e kufijve në vitin 2015 për më shumë se një milion refugjatë. Iu kundërvu pranimit të një kursi për përcaktimin e kuotës maksimale të pranimit të refugjatëve dhe për këtë iu referua kushtetutës pikë më pikë që nuk parashikon limit për ligjin e azilit. Tani asaj i duhet të përballojë sfidën: të integrojë ata që janë pranuar në Gjermani dhe të dëbojë ata që janë refuzuar, një projekt politikë që kërkon një kohë të gjatë.
Merkel konsiderohet si mbrojtëse e idesë europiane, por vendet në borxhe ndihen nën presion nga Gjermania e fortë.
Por edhe tendenca për etjen e Gjermanisë për të qenë një fuqi e madhe rëndon mbi supet e Merkelit. Jo vetëm Trump do t´a bëjë sërish të fortë Amerikën e tij, por edhe Putini e Erdogani synojnë një politikë të dorës së fortë.
Ajo mund t’u bëjë ballë provokimeve pa lëshuar pe. Gjithmonë e kursyer në gjeste, mimikë dhe në përzgjedhjen e fjalëve, atë nuk e nënvleftësojnë më.
Me pragmatizmin e saj, Merkel është pa diskutim e suksesshme. Ajo neutralizon opozitën, por ndonjëherë CDU-ja nuk e di më se çfarë ka mbetur konservatore tek ajo.
Triumfi i saj i ri në zgjedhje bazohet në radhë të parë tek besimi. Kështu ishte edhe në zgjedhjet e vitit 2013. Mjaftoi një fjali për të bërë reklamë për veten: “ju më njhni mua”, tha ajo atëherë.
Megjithatë në artin e saj të oratorisë deri më sot ajo nuk ia ka dalë të jetë më mirë se mesatarja. Me duart e saj përpara, ajo ka krijuar një ikonografi klasike moderne. Ruatja e qetësisë, është një as çuditërisht i rrallë, me të cilin ajo tani duhet të luftojë, që t’ia dalë ose të largohet si kancelarja e plotësuar ose e paplotësuar nga skena politike.
New York Times e ka vlerësuar atë si “mbrojtësja e fundit e Europës”. Për një kohë të gjatë, Merkel e pati lënë të hapur mundësinë nëse do të rikandidonte ose jo për herë të katërt.
Sipas fjalëve të veta, ajo asnjëherë nuk ka dashur ta mbyllë karrierën si “një gërmadhë gjysmë e vdekur”. Ajo ka besim ta përballojë edhe një mandat të katërt si nga shëndeti edhe politikisht. Mbështetjen e morri.
Përshtati: Gjergji Koja – /tesheshi.com/
