Tritan Shehu, një prej ish-eksponentëve më të lartë të PD-së, ka folur për herë të parë për ngjarjen e shkuar të plot 20 viteve, ku ai shkoi në Lushnje për të qetësuar turmat e irrituara nga falimentimi i piramidave financiare. Por Shehu, duke folur për Top Channel, nuk ka përmendur ndonjë rrotë preshi drejt tij, siç ekziston një legjendë urbane për atë pasdite. Shehu ka folur vetëm për një levë të lëshuar në drejtim të tij, devijuar më pas nga një roje sigurie, teksa ka qenë i bllokuar për shumë orë në ambientet e stadiumit të këtij qyteti .
“Është pak e vështirë ta them. Unë isha forcërisht i detyruar të rrija brenda me orë të tëra, sepse jashtë më rrezikohej jeta dhe me krijoheshin probleme”, ka thënë Shehu.
“Unë vajta në Lushnje me një ide të qartë për të shmangur përplasjen, për të shmangur përplasjen e njerëzve me repartin e policisë, që padyshim do të krijonte viktima”, ka sqarua njeriu më i pushtetshëm në atë kohë. Dhe në fund të rrëfimit të tij, Shehu nuk ka ngurruar që ashtu siç Berisha, të quajë 97-ën si diçka me autorësi komuniste.
“…. u shfrytëzua nga ta që pastaj vendin e në një vorbull dhune për të krijuar atë që është e vërtetë; një revolucion të tipit komunist dhe për të përmbysur me dhunë rendin kushtetues, pavarësisht përgjegjësive të mëdha që kishin institucionet shtetërore për lejimin dhe për mosbllokimin në kohë të firmave piramidale”, tha Shehu.
Atë botë, Tritan Shehu gëzonte tre poste të larta: kryetar i PD-së, zëvëndëskryeministër dhe ministër i Jashtëm. Muaj më pas, pasi partia e tij ra nga pushteti, Shehu do kthehej në një oponent të Berishës, dhe së bashku me genc Pollon do krijonin Partinë Reformatore, e cila do shkrihej në 2005 për t’iu ribashkuar sërish PD-së riardhur në pushtet. /tesheshi.com/
