Vdekja mund të vijë më shpejt seç e mendojmë, e veçanërisht nëse punojmë më shumë seç duket. Sipas një studimi britanik të publikuar në “Lancet”, nëse rrimë shumë orë përpara tavolinës së punës mund të kemi një impakt shumë të dëmshëm në shëndet. Mjafton vetëm një orë punë më shumë se ajo që duhet të punojmë çdo ditë, për të rritur rrezikun e prekjes nga një iktus me 10% në 8 vitet e ardhshëm.
Natyrisht, rreziku që nëse punoni më shumë se orë në javë, rreziku i vdekshmërisë rritet me një të tretën. Ata që punojnë më shumë se 55 orë rrezikojnë të preken nga kardiopatitë (sëmundje të ndryshme të zemrës). Një lajm i keq sipas kardiologëve britanikë është për ata persona që punojnë në media, e që veçanërisht kalojnë më shumë se 61.5 orë në vendin e tyre të punës.
Janë bërë 25 studime me mbi 600 mijë persona në Europë, SHBA dhe Australi, të cilat janë ndjekur dhe publikuar edhe në media gjatë 8.5 viteve. Rritja e rrezikut për ata që cilësohen edhe si super-punëtorë është konfirmuar, duke pasur parasysh edhe faktorë si duhanpirja, konsumi i pijeve alkoolike dhe aktiviteti i paktë fizik, çka janë të gjithë elementë që shoqërojnë personat që punojnë shumë orë.
Ndër të tjera, sa më gjatë të punojmë, aq më i madh është rreziku nga prekja e iktusit. Në veçanti, sipas kërkimit, personat që punojnë nga 41 në 48 orë në javë janë 10% më të rrezikuar, në krahasim me ata që punojnë me orar standard./tesheshi.com/
