Ankaraja zyrtare dënoi deklaratat e fundit të presidentit francez Emmanuel Macron në lidhje me Turqinë dhe udhëheqësin e saj, duke i quajtur ato të papranueshme.
Zëdhënësi i Ministrisë së Jashtme turke Hami Aksoy tha se deklarata e Presidentit francez Macron ishte në kundërshtim me miqësinë dhe aleancën midis dy vendeve dhe e papranueshme.
Aksoy gjithashtu tha se këto ishin deklarata “të padrejta dhe të paqëndrueshme” në lidhje me Presidentin turk Rexhep Tajip Erdogan dhe Turqinë.
Gjatë një interviste të transmetuar në kanalin televiziv France5 të Martën, Macron pretendoi se Turqia “po përpiqej të ndërhynte” në zgjedhjet presidenciale franceze të planifikuara për 2022.
“Ne mendojmë se deklaratat e Z. Macron janë të paqëndrueshme në momentin kur ne po ndërmarrim hapa për të zëvendësuar tensionin në marrëdhëniet midis dy vendeve me qetësi dhe miqësi,” theksoi Aksoy. /tesheshi.com/
