Një luftë e vërtetë, e parë vetëm në protestat e opozitës në 2019-ën, qe ajo mbrëmjës të së martës në Tiranë, me protagonisë tifozeritë e dy ekipeve europiane, Romës dhe Feyenoordit, ekipe të cilat do të ndeshen në finalen e Conference League, një lloj gare e re e UEFA-s, në “Air Albania”.
Shenjat e para të trazirave u dhanë që pasditen e vonë, me goditjen e një shtetasi shqiptar, 45 vjeç, i cili u plandos përtokë i përgjakur, për t’u çuar urgjent të Trauma. Ndodhi kjo në një ambient ku tifozët hollandezë po binin pandalshëm birra, pra duke qenë të dehur.
Policia e Tiranës tha se “tifozi holandez është përplasur fizikisht shtetasin shqiptar A. G.,
45 vjeç, ai më pas është transportuar për në spital për të marr ndihmë mjekësore dhe ndodhet jashtë rrezikut për jetën.
Ndërkohë, policia ka shoqëruar 8 shtetas holandezë. Grupi hetimor po punon sqarimin e rrethanave të ngjarjes”.
Ajo që do pasonte më pas, me rënien e natës, do qe e paimagjinueshme. Zemra e kryeqytetit shqiptar u shndërruar në arenë përplasjeje mes dy tifozerive, si dhe me forcat policore, me skena dhune dhe te Kryeminstria.
Në deklaratën e Policisë thuhet se “Sonte në mbrëmje (mbrëmë), një grup tifozësh kanë lëvizur në drejtim të stadiumit ‘Air Albania’ dhe sipas informacioneve tentonin të përplaseshin me një grup tifozësh të skuadrës tjetër.
Shërbimet e Policisë kanë tentuar t’i ndalojnë në rrugën ‘Mustafa Matohiti’, ku tifozët e skuadrës Feyenoord, në mënyrë të dhunshme kanë goditur punonjësit e Policisë me shishe qelqi, shkopinj, gurë dhe sende të tjera të forta.
Më pas, një grup tjetër tifozësh, të skuadrës së Romës, kanë lëvizur në drejtim të urës së DVP Tiranë ku dhe atje janë përplasur me shërbimet e Policisë duke përdorur gurë, shishe e shkopinj.
Si pasojë e dhunës së ushtruar nga tifozët e të dy skuadrave, janë plagosur 10 punonjës Policie dhe është dëmtuar një automjet policie.
Shërbimet e Policisë kanë bërë të mundur shpërndarjen e tyre si dhe kanë shoqëruar në ambientet e Policisë 60 shtetas nga grupet e tifozëve të dyja skuadrave, 48 shtetas italian dhe 12 shtetas holandez dhe vijon shoqërimi i personave të tjerë, të përfshirë në akte të dhunshme.
Policia e Shtetit bën thirrje për shmangien e veprimeve të dhunshme, që nuk manifestojnë asnjë lidhje me sportin”.
Kjo është e para herë që në Tiranë luhet një finale europiane, gjë që ka çuar dhe në masa ekstreme nga autoritetet shqiptare, siç ajo e privimit për të hyrë në kryeqytet të atyre që vijnë nga rrethet, apo ndalimi i qarkullimit me makina, deri te shpallja “ditë pushimi” për shkollat apo adminitratën shtetëtore. /tesheshi.com/
